September 24, 2020 at 2:17 pm
Jerġgħu jissoktaw it-taħdidiet bejn l-MUT u l-Ministeru tal-Edukazzjoni
Wara interventi miż-żewġ partijiet li saru ilbieraħ u kif ukoll dalgħodu, l-MUT tixtieq tinforma lill-membri li t-taħdidiet mal-Ministeru tal-Edukazzjoni dwar il-ftuħ tas-sena skolastika reġgħu issoktaw. Id-diskussjonijiet ser ikomplu fis-sigħat li ġejjin u l-MUT persważa li ser ikunu għall-ġid, is-saħħa u s-sigurtà tal-edukaturi, l-istudenti u tal-familji ta’ kulħadd. L-MUT tirringrazzja lill-edukaturi kollha tas-sostenn u s-sapport kontinwu.
