December 10, 2025 at 2:08 pm
Sejħa għall-impjegati tas-Servizz Pubbliku – Malta Community Chest Fund
L-MUT qed tappoggja din l-inizjattiva b’risq il-Malta Community Chest Fund. Dan il-messaġġ qed jitwassal mis-Servizz Pubbliku:
Is-Servizz Pubbliku qiegħed mill-ġdid jikkollabora mal-Malta Community Chest Fund li ta’ kuljum ittejjeb il-ħajja ta’ individwi u familji f’Malta li jaffaċċjaw bżonnijiet mediċi, soċjali, relatati mad-diżabilità jew dawk bżonn trattament barra minn Malta, sabiex flimkien noffru tama fejn hija l-aktar meħtieġa.
Il-kontribuzzjoni tagħkom, tkun kemm tkun, tista’ tagħmel differenza enormi f’ħajjet xi ħadd. Din mhix biss kwistjoni dwar li tagħti, imma wkoll li ningħaqdu bħala komunità biex niżguraw li ħadd ma jaffaċċja l-isfidi tiegħu waħdu.
Ejjew naħdmu flimkien biex nibnu futur aktar sabiħ u b’iktar kumpassjoni. Il-ġenerożità tagħkom se jkollha impatt dirett fuq ħajjiet in-nies li jiddependu minn dan l-appoġġ essenzjali.
Ingħaqdu magħna f’din il-kawża sinifikanti billi tagħfsu hawn!
