Din il-ġimgħa ntqalu eluf ta’ kummenti fil-konfront tal-edukaturi u tal-MUT. B’umiltà qegħdin nirriproduċu xi ftit mill-aktar li nkibtu bi tweġiba għalihom. “Ridtu tagħmlu naqra ħoss” F’nofs pandemija dinjija, l-MUT il-ħin kollu qegħdha titlob assigurazzjoni mill-awtoritajiet tas-saħħa sabiex jekk l-iskejjel jiftħu fiżikament dan ikun mingħajr detriment għas-saħħa u s-sigurtà tat-tfal, edukaturi u l-familji. Dak hu li […]

Matul il-laqgħa li saret ilbiereħ ġiet ikkonfermata li teżisti komunikazzjoni, mibgħuta minn uffiċjal għoli fl-awtorità tas-saħħa, dwar il-pożizzjoni tal-ftuħ tal-iskejjel. Dan kien ikkonfermat fil-preżenza tar-rappreżentanti tal-iskejjel tal-knisja u rappreżentanti tal-iskejjel indipendenti li attendew il-laqgħa. Din il-konferma wasslet sabiex saret talba lill-gvern biex issir analiżi u preżentazzjoni mill-awtoritajiet tas-saħħa dwar il-kontenut ta’ din il-komunikazzjoni fejn l-MUT, […]

L-MUT illum ġiet imsejħa għal laqgħa tard waranofsinhar f’Kastilja mal-Prim Ministru, il-Ministru tal-Edukazzjoni, l-awtoritajiet tas-saħħa u rappreżentanti tal-Iskejjel tal-Knisja u Skejjel Indipendenti. Din il-laqgħa kienet inkonklussiva u d-diskussjonijiet ser ikomplu għada l-Ġimgħa 8 ta’ Jannar filgħodu. Għaldaqstant għada ser ikompli l-istrajk kif ġie mħabbar l-Erbgħa.

L-MUT hi infurmata li l-Ministru tal-Edukazzjoni llum għamlet numru ta’ żjarat fl-iskejjel t’Għawdex u eżiġiet li tiltaqa’ mal-ftit staff li kien preżenti. Fuq il-midja soċjali tagħha hi rringrazzjat lill-għalliema dedikati li ltaqgħet magħhom. Filwaqt li hu ċar li din ma kienet xejn ħlief stunt għall-midja, huwa ċar ukoll li l-Ministru m’għandha l-ebda konsiderazzjoni għad-drittijiet tal-ħaddiema […]